بعدك بتذكر
بعدك بتذكر لما كنا ولاد زغار
نلعب عالمصطبة قدام الدار
ونخربش عهاك الحيطان
أسامينا بأحرف كبار
بعدك بتذكر ....
سهراتنا الحلوة ...
نسمع حكايات جدي الختيار
حكايات أبو زيد الهلالي وأبو النواس
حكايات الزير سالم
حكايات الأبطال
بعدني بذكر عيدان
العروس وفستانها الأبيض
والبيتون عمرناه من حجار
والمرجوحة اللي معلقة
عالساموك عالأغصان
بعدني بذكر
ركضاتنا في الحقول بين الأشجار
نكشكش عصافير
نلعب مع الفراشات
نجمع ورد نزين باب الدار
نقطف الزوفا والزعتر من التلة
بعدني بذكر الموقدة بأرض الدار
نلتف حواليها زغار كبار
بتذكر ضحكاتنا البريئة
كل ماعملنا مشوار
آه ماأحلا الشقاوة
صارت دروب الطفولة تذكار
فاديا محمد.درغام
ليست هناك تعليقات:
إرسال تعليق