محكيّة..
لو نرجع..
كنّا صغار أحلامنا بعدا طريّة/ي
قلوبنا طاهرة وصادقة مشاعرنا.
بسمة الرضا بوجهنا أكبر هديّة/ي
رغم الفقر كانت السعادة تغمرنا.
ما نعرف الشر كل أفكارنا نقيّة/ي
نطير من الفرح لو زاد عام بعمرنا.
نلبس تياب المرقعة والمهتريّة/ي
من رضا الوالدين زينتنا وعطرنا.
كانت عيشتنا كتير حلوة وهنيّة/ي
بالمحبّة والتعاون نغْني فقرنا.
كبرنا تاري الحياة أكبر مسرحيّة/ي
أدوارها مفصّلة/ي على قياس فكرنا.
تجّار الدم وشويّة وحوش آدميّة/ي
عم تحكم العالم وتتحكّم بمصائرنا.
كبّرتنا بِ رحمتك يا رب البريّة/ي
يا ريت خلّيتنا صغار وما كبرنا.
.. محمد عزو حرفوش..
ليست هناك تعليقات:
إرسال تعليق