يا عيد يا موسم عشق بيدر سمر
يا رفيق أحلام الليالي والقمر
جيت السني زعلان عا درب الهوى
لابس جمر زلزال والقلب انكوى
حامل حزن موصوف بيغشّي النظر
وقلوب هالعشاق شرّدها النوى
العيون صارو دموعها زخ المطر
هدّي يا عيد الحب حاجتنا بقى
صرنا بوطن مجروح بيبكّي الحجر
نام العشق بالآه عا تخت الشقى
وما عاد عنّا قلوب تتحمّل خطر
طار الوعد بالعيد ضاع الملتقى
عصافير عم بتنوح ع غصون الشجر
وبعدك ياحب بتشتكي حاجي بكي
هيدي إرادة ربنا هيدى قدر
رح ننطرك يا عيد مع نغمة وتر
تا ترجع من جديد ع دراج الوطن
وتشفى السعاده والهوى ويحلى السهر .
- عيسى فضة
ليست هناك تعليقات:
إرسال تعليق