/ إنتي وحلب /
يا معتّقه نبيد الحلى بخابة أدب
حبي إلك بالقلب أغلى من الدهب
مشتاق كاس الشوق عا سكرة حنين
قد العشق ما اشتاق نتلاقى بحلب
خلّي الفرح محاية الشجن الحزين
مهما بحلب يهتاج زلزال الغضب
حتى الوقت لو فاق عا صرخة أنين
كوني القويّه ع القدر ما في عتب
ملهوف قلبي اليوم مش رح يستكين
تا نلتقي ويكون مرتاح العصب
رح جبلك من الشام باقة ياسمين
من ريحة التاريخ ع وراقا انكتب
بتبقى حلب عنوان قاموس العرين
ومعزوفة العشقين وغناني الطرب
لا تحزني وحيات رب العالمين
بكرا حلب متل المسيح اللي انصلب
بتقوم من تحت الرماد وعن يقين
إنتي السبب تا ضل عشقان الحياة
ولولا وجودك كان ما عندي سبب .
عيسى فضة
ليست هناك تعليقات:
إرسال تعليق