يا معلّم الأجيال يا نجم الفلك
بعيدك حبيبي اليوم جايي غازلك
واعزفلك بقلبي لحن حبي الحلو
واغزل أماني واحترام بمغزلك
لمّا ابتدا التكوين كنت بأولو
بحبل الوعي الله ياغالي نزّلك
تاج المعارف والفكر تا تحملو
وهالتاج أغلى من الدهب بيكللك
متل الشمع بتدوب تتضوّي إلو
جبين الدني ما بينحني إلّا إلك
ونهر الحضاره فيك طالع منهلو
الأجيال عم تشرب علم من منهلك
لولاك عتمات الجهل ما بينجلوا
وللحق بدّي قول مش رح جاملك
إنت اللي بتعمّر ممالك للعلوم
وباقي بمملكة العلم إنت الملك .
- عيسى فضة -
ليست هناك تعليقات:
إرسال تعليق