وحشاني يامه
واحشني يابه
،،،:::،،،:::،،،:::،،،:::،،،:::،،
وحشاني ست الحبايب
...... .......شمسنا وقمرنا غايب
وحشاني هي وأبويا
................مشتاقلهم قلبي دايب
كانوا لينا حضن دافي
.....................يجمعوا كل الحبايب
والنسايب. والقرايب
................. ويسألوا عن كل غايب
رايحين وجايين عليهم
..................والحنان والحب زايد
والتعبان يواسوه شويه
............. والمحتاج يقى المساعد
وحشاني كات بتلاغيني
.................. برمش عينها وتناديلي
وتعرف إيه اللي شاغلني
................وتدعيلي والقلب دايب
وحشاني هي وأبويا
.............واحشيني واختي واخويا
وكل كلمه بنفتكرها
................ وحشانىي لمسة إيديها
وحنيتها كتير علينا
...........وحلاوة نظرة عنيها
والدعاوي الحلوه لينا
........... ... والطيابه والطهاره
والفطره الحلوه السليمه
.............. بالأماره يا أميره
أمي يا أكرم كريمه
............... حبيبت كل الحبايب
وحشتني وقلبي دايب
............ وحشاني هي وابويا
قمرين وراحوا فين
.......... وحشتيني فين الأماني
لتنين كانوا نور العين
..........والقمر والشمس فين
يرحم القلب الكبير
.......... نور في بيتنا والضمير
والأمان والإطمئنان
........... للكبير و للصغير
ألف رحمه ونور عليهم
............. وجنه عاليه يا رب ليهم
أمي يا ست الحبايب
.............وأبويا كان قلب دايب
نور العين وانتوا. لتنين
........... قمري وشمسي روحي ونفسي
حب قلبي عني غايب
......... أبويا وست. الحبايب
،،،،::::،،،،::::،،،،::::،،،،::::،،،،::::،،،،
وحشاني يامه
واحشني يابه
مع تحياتي الحاج هلال
ليست هناك تعليقات:
إرسال تعليق