/ حارس أنا / محكي
حارس أنا وعا باب قلبك محرسي
نامي اطمئنّي وقت إنتي بتنعسي
باقي ع قيد الشوق بتنفس حنين
ومن أكسجين الحب إنتي تنفسي
بحبك متل مابحب ريحة الياسمين
وجايب بلون الشام خاتم محبسي
بإسمك أنا طوّبت حالي عن يقين
وبعدك سهام الشك فيي بتغرسي
رسمتك عشق بالقلب عا نبض الوتين
معقول تبقي بالظنون مهلوسي
وسجلتك بدفتر شؤون العاشقين
إنك إلي حاجي بقى تتحسسي
وقلبي إلك مرهون عا مر السنين
يعني كفاكي هيك تبقي موسوسي .
عيسى فضة
ليست هناك تعليقات:
إرسال تعليق