/ طار الوقت / محكي
إنتي وأنا
آخر وقت جينا
بلون العشق
تا نبتدي المشوار
رحنا سوا
نفتش عن المينا
حملنا التلج بالنار
وقلنا بعد بكّير وانسينا
إنو العمر طيّار
ضربنا إيدينا ع الوقت
في جعبة الأحلام مالقينا
وما كان
فينا ندوزن الأوتار
تا نبلّش ونعزف أغانينا
ولمّا إجينا
نبوح بالأسرار
طار الوقت
من بين إيدينا
ارجعنا على كرم الفكر
تا نقطف الأشعار
طاب التلاقي في سوا ربينا . عيسى فضة
ليست هناك تعليقات:
إرسال تعليق