خلص الحكي
محكيّة غنائيّة.
خلص ما بدّي احكي
غابت عن وجهي الضحكي
ما بقا الحزن مخبّا
حتّى الحجر عم يبكي.
سرقوا حلم الطفولة/ي
وصار الظلم بطولة/ي
عيون البشر مذهوله/ي
بحرقة دمع عم تشكي.
يا ناس بيكفي حروب
لا غالب ولا مغلوب
يا ما احترقت قلوب
وكلّو وقع بالشبكه/ي
راح العمر ضيعان
وتفرقوا الجيران
لو تفهم يا إنسان
أهل الظلم شركه/ي
وينن أهالي الخير
والنخوه والضمير
يالله ويا قدير
ما بقا بدنا نبكي.
.. محمد عزو حرفوش.
ليست هناك تعليقات:
إرسال تعليق