اصحابي
اصحابي دول حبايبي واحلي عشرة سنين
الحلوة و حتي المرة ياما قسمناها كتير
ف الجرح ووقت الفرح دايما متجمعين
احنا الطفولة والبراءة واللمة والمشاوير
بنا وبعض حاجات بتاخدنا لذكريات
واكوام من الحكايات
لو الف عمر فات
عايشة ف قلوبنا بتضمنا
ومهما الايام تاخدنا وتتوهنا السنين
نبعد قد ما نبعد وبرضه مقربين
واهين واه م الحنين
قادر يجمع شملنا
مع بعض احنا اقوي و دايما بنكون بخير
لسة الشوارع والطرق حافظة خطاوينا زمان
اسالوا كل الاماكن كان لينا ف كل مكان مكان
مع بعض نلاقي روحنا واحلي ايام الصبا
ايام ما كنا عيال وقلوبنا صافية وطيبة
بنمد بعض بالحنان
حاسة قلوبنا بالامان
ودا كله عشان
جوة كل واحد مننا حب كبير
اصحابي
محمد عبد المنعم
منعم
ليست هناك تعليقات:
إرسال تعليق