كان لي الشرف أن أكمل ما بدأه الشاعر الكبير إبراهيم نصرالله عن مدينة الناصرة الفلسطينية
يا ناصرة
سهلك وسِعْ ظلك.. وريحك نايْ
يا ناصرة
ما جيت أغنيلك أنا وحدي
ألفين سنة خضرة تغني معاي
كلِّ ما مرِّت شمس ع تلالك
مرت لتتعمدْ ع إدين أطفالك
خيط الندى إسمك ولون شالك
والضوِّ خيلك.. وهوِّ وجه خيَّالك
بينك وبين القدس حفنة نور
وشالات خضرا عَ المدى بترفّ
كلْ ما انطفت نجمة ع سطح الدّور
صرتي في ليل النّاس نجمة وألفْ
عين العذرا من إسمك وبأصلك جبل عالي
تاريخك رسم وشمك وبوشمك ثرى غالي
يناجي بؤرة الأوطان ينشد طلّة هلالي
على لحد الزمن يكتب من غبرة التاريخ موّالي
شفتك يا دار الحراسة حدّ القدس بالثوار والثورة
جاية وبإيديكي الناي
صوتك أنغامه همس وبألحانك الحرة
كل ما ينبع التاريخ يرويكي
أغني وانتي غني معاي .
خالد أبوالريش
ليست هناك تعليقات:
إرسال تعليق