...............
قالت كبرنا واذا بتريد.
بطل عشق ما حاجتك غيري
الخمسين عدينا وما عاد يفيد
حب وغزل ما خلصت السيري
والى العمر والراح صار بعيد
متلك انا بالحب تفكيري
قلت المحبة بالقلب تاكيد
ولوحة حسن بالحرف تصويري
كل ما كبرنا بالعمر بتزيد
رقة حلاك بشوفك زغيري
وشلال سحرك بالغرام نبيد
وكلما تعتق نال تقديري
بشرب تاصحى وبسكر عناقيد
انت الوطن والحب والديري
انت القصيدة والفرح بالعيد
انت الاهل والناس والجيري
ولولا بحبك كيف كنت رح صيد
حلم الطفولة الكان بسريري
مشي معي تنقطف مواعيد
ونقطع طريق الشك والحيري
متل البدر عم شوفك من جديد
زغيرة حلا وبحبك كبيري ؟
بقلمي انا.......
سليمان محمد اسود....شاعر الجبل.....
وصباح الورد للجميع
ليست هناك تعليقات:
إرسال تعليق