الوفاءُ والزمن الصعب..... للمبدع عيسى فضة

/     الوفاء والزمن الصعب   /
يا بو الوفا محزون عا موت الصفا
            وزعلان صرت كتير عا أهل الوفا
مدري جمال الروح  غطّاه  الدنس
           مدري الوفا بيتدحرج بوادي الهفا
مدري عَ باب الحلم مقتول الحرس
           تا فات ريح الفقر  والحب  اختفا
عيونك بعز  النوم  طلّقها  النعس
           ومتل السمك بالمي نسيان  الغفا
صار الوفاء بيشتهي ياخد نَفَس
            شهوة صبح كانون عا نتفة  دفا
يا بو الوفا بكف الفرح دق الجرس
           صدّى البكي دمعات عينك كفكفا
خبّي الفرج بالصبر تيكون اندعس
           آخر  وقت  للشر  ويكون  اكتفا
وترقص مع المهباج عاصهلة فرس
       وترجع متل قنديل ضاوي مَ انطفا
وأهل المحبة والوفا رح يرجعوا
         تا ترجع  ليالي الأنس بعد  الجفا .عيسى فضة