ليه تفتش ف عيوب الناس
وعيوبك ع الملأ منشوره
ربك ستار العيوب
ليه تفضح حاجه مستوره
تتابع خطاوى الناس
وبالنسبالك محظوره
متخيل أنك بلا عيوب
ومش محطوط ف الصوره
زى ماتفتش على غيرك
أفعالك كلها منظوره
مش قادر تبطل تنظير
ومتخيل الناس بيك مبهوره
زى م بتحاسب الناس
لازم تدفع الفاتوره
وماربك بغافل
وكله هياخد دوره
يوم القيامه فيه ميزان
وأعمال العباد منشوره
اللى ستر عبده فى الدنيا
هتلاقى أعمالك مستوره
( أسامه جديانه)
ليست هناك تعليقات:
إرسال تعليق