لا تفيقوا الفلاح أخد غفوة من الشقا ...
لا غطا من البرد وتيابو مشقشقة/ا
حالف يمين يتبسمر بهالأرض
يضم ترابها بعنفوان ويعشقا .
متعود ينام ع زقزقة الطيور
ويصحا يقوم ع أرضو يعانقا .
مجرفتو بيمينو يدغدغ تراباتها
ويرندح مواويل عشق يفيقا
ويهدهد حجاراتها ويعمر سياج
ويقطف العنبات بالكلكي يعرقا.
زوادتو رغيف وصحن مجدرا
وبصلة يابسة بإيدو يسحقا .
هادا فطور وغدا طول. النهار
شو بيعملو مع فلاح أرضو بيعزقا.
قضى. حياتو. بهالدني فقر وعذاب
وضاع من العمر أكتر مابقى.
نصر علي ميكائيل
ليست هناك تعليقات:
إرسال تعليق