(ساعة.. الغروب)
يومنا انتهي وحانت خلاص
ساعة الغروب
والليل بدا والشمس مالت
ع. الدروب
حتي الشجر باين عليه ونوره غاب
والليل خلاص جه عندنا ومفيش
هروب
تلقي السما وكأن
فيها كوم ضباب
وساعات نلاقي البدر غاب
و قوام يشرفنا
الظلام
ونشوف هلال ما
عليه ضباب
نقعد نعيد كل اللي
فات
ونعيد كمان
الذكريات
ونفتكر كل اللي
قولناه من زمان
ولا يوم نفكر ف
اللي ضاع من عمرنا
ونعيش دقايق حبنا من غير آهات
يومنا انتهي ساعة
الغروب
والليل دخل وبدخلته تحي
القلوب
ومفيش كلام غير
الغرام
ويدوب في وسطه
الحب دوب
وكل دا ف ساعة
الغروب
(احمد السبكي) مصر
ليست هناك تعليقات:
إرسال تعليق