كلمات الشاعر هلال
بالإيد الشمال
،،،،،،. ،،،،،،،. ،،،،،،،.
يللا نحلم
إن الحظ يمكن يخدم
ولازم نفهم
إن الدنيا زي بتعطف
برضو بتحرم
لو ضحكتلك ترجع تحزن
ويمكن تلطم
ضحك الدنيا زي الفونيا
نار وعلقم
هى عنيده و لازم تعاند
لو نتعلم
قبل ماتدى لازم تاخد
واحنا بنحلم
لو نتصالح مش نتخاصم
ويكون أحسن
ليه مظلوم يلعن ف الظالم
وإللى بيظلم
والملعون هيحاسبو العادل
يوم المفصل
هتقوم فيه قدام الحاكم
هو الأعلم
آه لو تعرف عدل المنعم
كنت هاتعدل
وكنت هترحم قبل م تندم
وياريت تفهم
يوم الآخره هو الراحم
هو الأرحم
والحظ ممكن مره بيخدم
ومره بيندم
ويبقى أملنا الحلم هيحصل
لازم نعمل
ويبقى عملنا الحلم هايكمل
ويكون أجمل
إيدي في إيدك مد وسلم
رح قول تسلم
علشان كده راح قول واتكلم
يللا نحلم
....ءءء....ءءء.....ءءء....
بقلم الشاعرهلال
بالإيد الشمال
ليست هناك تعليقات:
إرسال تعليق