ع قلبي اتدللي ---- للمبدعة إنصاف قرقناوي

محكية..

ع قلبي اتدللي..

حبيبي قلي اتدللي..

و غير ع رواقك لا تسألي..

و لو شي ساعة من حدا انزعجتي..

بكبسة زر اعمليلو بلوك..

و ببساطة بتحلي المسألي..

مش مضطرة ابدا يا حياتي..

أيا غلاظة تتحملي..

إياكي يا عمري تتوتري..

ولا تتدايقي و تتعكري..

بدي ياكي تغلي بضلوعي..

و تمليلي عمري غنج و ترغلي..

يا دلوعتي المتل القمر..

معك بيحلا الليل و السهر..

صوتك حلو..

و حكيك عسل..

و شو بحب وقت بعينيي بتتغزلي..

أنا إلك..

و إنتي إلي..

و ع قلبي بس اتدللي..

إنصاف قرقناوي