***شروقي***
شارد ع شط البحر بين الفرح واﻷوف
جمع حروف الغزل البحب مرصوفة
ودور بموج البحر عن الحلا الموصوف
بلكي بشوية حلا بزين أنا حروفي
اتذكرت يوم التجي اتطمني قلب ملهوف
الكاتب بأسمك غزل وعاملو معزوفة
وتقولي بحبك أنا لكن قاتلني الخوف
كثر حبيبي قبل بنسى أنا خوفي
الطول مثل الرمح وهيك شعر مابتشوف
وعيون بتغزل غزل وسنان مرصوفة
وطيرين مثل الثلج طلو علي ضيوف
وبأحلى كلام الغزل رحبت بضيوفي
ومن بعد كل الجرى والحكي غير الشوف
ومن بعد جمر الجسم اللي حروق كفوفي
تقوليلي انسى الحصل واعملي هالمعروف
ﻷنو حبيبي أنا عنجد مكسوفي
السفير الدكتور جوزيف رداح
ليست هناك تعليقات:
إرسال تعليق