قديش من هالتنور طل النور
وعطر البخور من تمو يفور
وأصابع ألماس ترق
وجه مخمور
فطاير مغمسة بالزيت والزعتر
وبعضهم مسرح بالسمن مشرور
فطاير سلق ......
ومحمرا مصفصفة عصدور
وجدايل صبية عاكتافها بتموج
مجدولة بخيطان الشمس والنور
تخمين ......
معهم قصيدة غزل
وتخت شرقي وقناني عطور
صبية بحضورها ملبكي
خدودها متل الزهر موردي
تخمين
خجل من قمر ونجوم
ومن فانوس معلق عهالساموك
تخمين من حكايات
ومن حب بالقلب مستور
صبية عالبيوت تدور
تتمختر متل غزالة
براس مرفوع
طعمي شيوخ بالعمر شابو
وضحك طفل
عيونو مليانة دموع
آخ ......
شو اشتقتلك ياهاك التنور ....
آخ ....
شو اشتقت يابيتنا
الكنت بالمحبة مغمور
فاديا
ليست هناك تعليقات:
إرسال تعليق