/ ليلة عيد العشاق /
عيد وهدايا وحب وغناني
عجقة غزل ع شفاف جهلاني
وقلوب عم ترجف مع الأوتار
جن العشق بعيون عشقاني
طال السهر وتعشّقوا السهّار
وإنتي ما بعرف وين سهراني
قاعد لوحدي برّد بهالنار
وبرجع تدفّي نار برداني
واتخيّلك وحدك ع باب الدار
ومهفهفي بفستان رمّاني
وجايي لعندي تفرفطي النوّار
وافرش بقلبك حب جبراني
وآخر وقت والعيد مني طار
والشوق ودّع عين نعساني
العشاق تاري عيّدوا وما صار
إلّا أنا متل اليتيم بقيت
وحدي ولحالي طلعت برّاني . عيسى فضة
ليست هناك تعليقات:
إرسال تعليق