كنتِ للقلب الشراع
كنت راسمك وسط الصراع
طوق نجاه لقلب ضاع
بعد أما داق طعم الخداع
وقولت هى ربان سفينتي
وكان منايا أوصل لبرك
بر آمن مفهوش ضياع
روحتِ وخداني لبحورك
وسط موجك والصراع
وكنت مسحور من عيونك
وقلبي راضي بانصياع
كنت مفتون حب ليكِ
وقلبي ماضي باندفاع
ما كنتش أعرف إن قلبي
هيصير ضحية للخداع
وأنا كنت كبش با فتديكِ
من حبيبك اللي باع
ولما زدت ف حبي ليكِ
غار حبيبك وصار نزاع
وكل يوم بتثبتيلي
إن حبك كان خداع
كان عشان يغير حبيبك
وكنتِ شاطره في الخداع
كل أملك يعود حبيبك
ومش مهم حلمي ضاع
مش مهم كم مرة ضعت
ومش هتفرق مين اللي باع
المهم إني فوقت
بس بعد ما عمري ضاع
بقلم الشاعرفهمى محمود حجازى
ليست هناك تعليقات:
إرسال تعليق