محاسن الصدف
.................
كنت رايح ازور قرايبي
وحشوني كتير يا قلبي
شفتهم وكنت راجع
قول قابلت اتنين حبايبي
واحنا لسه في باب حارتنا
بصينا على مصطبتنا
قعده حلوه جنب بيتنا
شوفنا ناس قعدين سوى
والقعده مترتبه
والكلام من ده وده
ناس كبار ليهم وقار
وناس شباب متكلمه
وبالعلام. متسقفه
ألقينا السلام عليهم
وقولنا نقعد بين إيديهم
نستمع لحاكويهم
وكان كلام حلو ومفيد
عن معاش واحد مريض
كان بيقبض م البريد
والمعاش كان له سنيد
كان بيدفع الإيجار
ومنه يصرف عالصغار
أو يجيب رز وخضار
أو يجيب عيش وفطار
وده كلام مافهوش هزار
المعاش مع إنه هايف
بس أحسن من مافيش
والواحد مش يبقى خايف
م اللي جاي صعب و مخيف
لما يبقى في. الرغيف
ويرمينا صاحب العقار
بالعيال على الرصيف
والأسعار راح تبقى نار
عالفقير مسكين ضعيف
تتأذم بيه الأمور
لويدخله حد ضيف
يعمل له واجب صغير
ٱه. نسيت نومة. الرصيف
دي حاله من الحالات
سرقوا منهم المعاش
وفي كتير غيرهم مآت
عيشه زي الموت ياناس
اللي جلطه واللي مات
واللي في الإنعاش ماجاش
والحالات في كل حته
من حارتنا وغير حارتنا
ناس غلابه وزي حلاتنا
سعدوهم بأيي حاجه
إسألوا على الغلابه
يمكن يبقى فيها حكمه
ونتقابل مع بعض تاني
لاجلي مش تبقى الأناني
والإجابه تبقى بمره
في حكاوي مصطبتنا
واللي يسأل راح يفيدنا
وكلنا هانمد إيدنا
ويا بعض في أي محنه
والدنيا بسرعه راحله
مهما طالت هي رحله
والزياره للقرايب
والأرحام أو. للنسايب
والثواب والأجر غالب
في الٱخره يا نار يا جنه
إما محنه تبقى صعبه
وإما جنه وفيها متعه
قعده حلوه وفيها فايده
مع حبايبي وأحلى صدفه
،،،،،.....،،،،،.....،،،،،
محاسن الصدف
مع الحاج هلال
ليست هناك تعليقات:
إرسال تعليق