مدري شو صاير بهالدني
عم تبكي على بعدك
مية وردة وسوسنة
وهالقلب ولهان بدو يطير
على حفاف الشتي هونيك يندهلك
وبيقلك مشتقلك كثير
من يومها هالقلب رفوا جوانحو من عند
ما بتملي جرار وشوية حكي
عالبير...
والزنبق الولهان يضحكلك بمواسمة
يلي مثل خصر هالحلوين
عم بيميل...
وهونيك عالدرب ناطرك لشوف
عبنيك كيف مكحلي بتلوين
ولشوف
مبسمك هالحلو هالصغير
عم رتب بهالقلب عطر مطارحك
قبل ما تطلع الشمس وتفوق
من بكير
وعلى فراشك في حفنة تعب
وصوت عم بيرندح عتب
وبينثر مواوبل
قومي لنمشي بالهدني وشو..ها الدني
قديش حجما صغير
شو هالدني هالحاملي حزن وفرح
ومواسم نور وقناديل...
ومرجوحتك بعدا بها القلب ناطرة
لتحمل عيونك وجفن النعس
وتشيل...
وجه القمر يلي ناطر الغلة هونيك
بيدر عرس وفنون وتلاحين
عم بتصير
عم توزع بهاليل خواتم وأساور
ذهب...لأديك... وزنود
ها الحلوين
شو ناطرة يل كلك عطر وحلا
ما تلبسي عقودة الخرز... والحب
وفساتين
والدار مضوية... وتفرحلك
وتنثر عطر
من الشام... للبنان....
لصنين...
وتغار منك قديش بتغار
النرجسة
البيضة لحد مرايتك...عجب شو
بتغير
وبتحب
تشلحلك شال القصب وعطر الورد
عالسرير...
بلكي بيكثروا الوردات
على فراشك
ومنو...عطر الحلا
بيسيل...
بقلمي :مفيدابوفياض
ليست هناك تعليقات:
إرسال تعليق