سهرة أنا والقمر .. للشاعر المبدع عبدالرزاق سعدة

🌛سهرة أنا والقمر🌜
في ليلة من الليالي
خطر على بالي
اسهر أنا والقمر لحالي
طال السهر
مع القمر ... والشجر
وحلوت ليلتها السهرة
مع القمر ... القمر صار قريب
وزادت حلاوتها ... بقرب الحبيب
وصرت اترجى القمر ؟
وقله ياقمر لا تغيب ...
وأنا بقرب الحبيب ...
دخيلك استنى شوي
لكن ماسمع كلامي !
وقالي روحي نامي !!!
طيب والحبيب ؟
اللي قاعد قدامي !
قالي خدي الحبيب
بكفي سهر !
أنا بدي غيب
بعد شوي بيطع الفجر
وبيروح السَحَر ...
وعيون البشر ...
ناطرة القمر ليغيب
ومشينا أنا والحبيب
وسلمنا على نجمة الصبح
وهي عم تغيب !
أتاري القمر مالوحده بيغيب
ونجمة الصبح غابت
مع القمر الحبيب
قعدوا سوا ...
وسهروا سوا ...
وراحوا يناموا سوا
وكل مين عنده حبيب
وكل مين عنده قمر
يخبيه عن عيون البشر
وخلصت السهرة !
ونمنا أنا والقمر ...
وكله قسمة ونصيب
*********
بقلم : #عبدالرزاق _سعدة
١٧ / ١٢ / ٢٠١٧