ونودع فصول
وبتعرفنا الاماكن من كتر المشاوير
وف دوامة الحياة ندور كتير كتير
ونودع فصول ونستقبل فصول
وحاجات جوانا تفضل وحاجات تانية تزول
ونرجع عطشانين
مدوبنا الحنين
تتسرسب السنين
وحلم ورا حلم م العش يطير
وندور ف الوشوش وكل درب تايه ينادي خطاوينا
الكل ما نعرفوش ترجع خطاوينا لمطرح ما ابتدينا
ونرسم الرتوش ونلف في المواني ندور فينا علينا
ونرجع عطشانين
مدوبنا الحنين
تتسرسب السنين
وحلم ورا حلم م العش يطير
وتعرفنا الشوارع وتفتح تاني لينا بيبان الأمنيات
وكل فجر راجع يصحى تاني فينا شريط الذكريات
وندوب مواجع وساعات نتوه عن روحنا ادام المرايات
ونرجع عطشانين
مدوبنا الحنين
تتسرسب السنين
وحلم ورا حلم م العش يطير
ونودع فصول
محمد عبد المنعم
منعم
ليست هناك تعليقات:
إرسال تعليق