اوعى ياحبيبي...للمبدع د.عيسى فضة

/  أوعى ياحبيبي  /
-  لاتقرّب أكتر من هيك
بتجي  علينا الحكومي
بتلاقي  قلبي  بإيديك
وفيك عيوني مغرومي
يمكن تحبسني بعينيك
وابقى  مأبد  محكومي
-  ياحبيبي  بتمنى كون 
جوّا  بقلبك  مخطوفي
وتخطفني وحدك بجنون
ولو سمّوني المخطوفي
مش هم انكتروا اللوام
انطرني عا باب الأحلام
حتى يصدر مرسومي
-  على بحري الأحمر لاتفوت
كل  موجاتو  مسكوني
بخاف عليك وفيك بموت
بخبيك بريف  جفوني
على شط عيوني بلاقيك
بدقات  لقلب  بحاكيك   
ولغة  قلبي  مفهومي .            :  د. عيسى فضة  :