محكية ..
(وينو حكايتي الحلوة)
شو البدل اللهفة بجفى
قلك ..معك شو صار
حلفت على العهد رح تبقى
حتى لو صرت ختيار
بعلمي المحبة بتضلها بتكبر
وتغزل أجمل الأسرار
. .
وينو الي كان حكايتي الحلوة
من يوم كنا صغار
لاتقول كبرنا عالمحبة والهوى
بالحب مابيخلص المشوار
تذكر لما غمرتني بحضنك
وبعدت عن عراها زرار
وغار من خدودي الورد
و لسياجو حكي الأخبار
. . .
وبعدك ياكل الغلا ببالي
أجمل ..حكاياتي
طيفك ساكن نن عيوني
بيتغندر عمراياتي
تعا ..بيكفي هجر ونوى
اشتاقوك لفتتاتي
حاكيني ولو بالومى
بردلّك بغمزاتي
دمعت عفقدك العتبات
ودبل عطر ورداتي
سنين العمر عم تركض
سماع مليح كلماتي
خلينا نسرق لحظة دفا
ورندحلك بغنياتي
ناطرتك وبعدها عالوعد
نبضاتي وكل ضحكاتي
....رواد شحود
ليست هناك تعليقات:
إرسال تعليق