محكي رائع سورية أم الدني....للمبدع جوزيف رداح

سورية أم الدني المجد الى عنوان
مصنع رجال العز بأعلى روابيها
شو ما كتبنا بحﻻها نثر مع قصدان
مافي كلمة بلغة بتوفي معانيها
السين سألنا الوفا قال بسورية كان
سكران بجمال البلد وكاتب غزل فيها
والواو وحدة سما مع أرض مع انسان
طلعت حضارة بلد التاريخ يحكيها
والراء روحي فداها جنة البلدان
كل الحﻻ البدني الله عاطيها
والياء ياسمينا الحلو نسم على الوجدان
صحى الضمير الغفي وفكر يعاديها
ولما اجاها الجهل وكفار كالجرذان
يدمر عقول البشر ويزرع حقد فيها
كل وﻻدا انتخوا واتوافدوا الفرسان
ضحوا وجابوا النصر كرمال عينيها
وﻷنو حب الوطن بجيشنا إيمان
صمم يخلي النصر يزين أراضيها
وما دام عنا جيش بساح الوغى فنان
رح تبقى شام الشمم تسحق أعاديها
جوزيف رداح