شعرك ليل...
وجهك ضاوي عتماتو
ونجم سهيل...
عم يغازل نظراتو
عيونك دنيا للأشواق...
اللي بيحلم فيها العشاق..
قلبي عاشق نغمة قلبك
وعم تعزفها دقاتو
انتِ نهاري.. انتِ شمسي
انتِ سكوتي وصوتي وهمسي..
انتِ الروح... وقربك جنة
انتِ الـ خليتيني غني..
انتِ البسمة والألوان..
والربيع وورداتو
فراشة تاهت عن زهرة...
وهامت بدنية أحلام..
وحطت ع جدايل شعرا..
يمكن ضحكتلا الأيام..
وغار الليل من السهرة..
الـ عملتها مع خصلاتو
🖋أيهم منصور
ليست هناك تعليقات:
إرسال تعليق