............... واضح
بقلمي هلال البنا
كله واضح زي الشمس
ولا فيه خدعه ولا فيه لبس
أنا باقولك مابسألش
والكون ماشي زي الإكس
إللي مسي ير ولا مخي ير
وماتلفش واتدور بالعكس
النهار ١٢ ساعه
والليل بكره زي الأمس
الأيام ليل بعده نهار
واللي يعدي ما بيرجعش
كله واضح زي الشمس
ولا فيه خدعه ولا فيه لبس
مابترجعش عقارب الساعه
والساعه مش بتدور بالعكس
الأطفال محتاجه رضاعه
واللي بيكبر ما برضعش
كله واضح زي الشمس
ولا فيه خدعه ولا فيه لبس
العاقل يفهم ويحس
والبني آدم روح ونفس
ده مع ده هو الإنسان
ومش لعبه و تمثال من جبس
كله واضح زي الشمس
ولا فيه خدعه ولا فيه لبس
في إنسان مش ساعده الحظ
ورزقه قليل مش لاقي القرش
لازم ياخد بالأسباب
ولا يستسلم ويقول نحس
كله واضح زي الشمس
ولا فيه خدعه ولا فيه لبس
إياك تستسلم لليأس
وتضحك على نفسك بالغش
قوم واتحرك واذكر ربك
ودق على باب الرزق وخش
كله واضح زي الشمس
ولا فيه خدعه ولا فيه لبس
الحمار مجبول عالطاعه
والميزه فيه مابيفهمش
الحمار لو يفهم ساعه
وهايقول عاوز أرجع جحش
كله واضح زي الشمس
ولا فيه خدعه ولا فيه لبس
إيه الفرق بين الحق وبين الغش
والحق واحد ولا ينفعشي نص ونص
ياااااسود يااااابيض
والغشاش والنصاب له ١٠٠وش
كله واضح زي الشمس
ولا فيه خدعه ولا فيه لبس
شوفت القطه تديها لقمه مابتخفش
ولو نتشتها تجري تاكلها زي اللص
خليك ناصح دغري وواضح
وبلاش تبقى ماشي بالعكس
من غير خدعه ومن غير لبس
خليك واضح زي الشمس
وانا باقولك مابسألش
الكون ماشي زي الإكس
واللي مسي ير ولا مخي ير
ماتلفش واتدور بالعكس
................. واضح
مع تحياتي لكم
الشاعر هلال البنا
ليست هناك تعليقات:
إرسال تعليق