شعر بالهجه السوريه المحكيه
السمرا.
سمرا وعيونا ..دباحا
رمتني بسهما ورماحا
مابعرف أصلا...من وين
مدنيه.....ولا فلاحا
بس متأكد...أصلا سوري
يمكن مالشام......مبلودان
أو من حمص....حي الدبلان
أو حمويه..مضفاف العاصي.
يامحلا مساها....وصباحا.
يمكن من ادلب......هالخضرا
جسريه..حلوي ودلوعه..ولماحا
او مالساحل..شبيه النورس
تطير وترفرف...بجناحا
يمكن من سهل حوران.
من شهبا أو بصرى الشام
او ديريه.ع جسر المعلق....شفتا
ما بتذكر..كيف لمحتا.
أو نشميه..من أرض الرقه
أو مالحسكه....أو مالطبقه.
عاضفة نهر الفرات.....
زرعت أشجارا وأقماحا..
يمكن حلبيه...تعشق لقدود..
ببحر الهوى........سباحا
شذيه.....متل الياسميني.
وحلوي متل التفاحه
وقلبي حبا....بكل صراحا
صدق القال القالب.....غالب
رح ابنيلا بقلبي قصور..
ويخت وسفينه.....وقارب
ودور فيها.....سبع بحور
وجنينه..فيها منتور....
وشيلا عكفوف.....الراحا..
.............بقلمي أديب حاج حمود...سوريا.
ليست هناك تعليقات:
إرسال تعليق