رسالة بالعاميه
الى عام عشرين واحد وعشرين
يا عامنا الجديد خليك علينا طيب وامين
احنا شبعنا وجع وأنين
داخلين عليك كلنا تعبانين
حتى الطفل بيتولد خايف وحزين
حياتنا أصبحت كلها امراض وشياطين
يا عشرين واحد وعشرين
اياك تعمل زي عشرين عشرين
كفايه كده ده حلم الملايين
عايزين نفرح وننسى كورونا ونبقى مطمنين
عايزين نعيش حياتنا مرتاحين
نسينا كل اللي فات فين الفرح هو فين
يا عشرين واحد وعشرين
بطلبها منك وبقولك كلنا تعبانين
ده مش طلبي لوحدي ده طلب ملايين
العام اللي قبلك خلانا عايشين بين نارين
كابوس كبير عشنا فيه وجع الاف السنين
يارب اجعل عامنا الجديد فرح وهنا قولو امين
يارب ابعد عننا كورونا اللعين
يارب رحمتك يا أرحم الراحمين
بقلمي محمد عبدالحميد السيد
جمهورية مصر العربية
ليست هناك تعليقات:
إرسال تعليق