/ الصداقة والوعي / شعر محمي
لمّا الصداقة يكون عنوانا الوعي
ويبقى الوفا مبني ع منهج أصمعي
بتفتح طريق جديد صوب الصالحات
بيبقى صديقي صح مش عم يدّعي
ونحنا سوا منكون عا درب الحياة
إمّا معو رح كون يا هوّي معي
ومعنا قناديل المحبة الهاديات
تضوّي ليالي العمر ونجد السعي
تا نعبر تنيناتنا جسر النجاة
مرجع إلو وبيكون هوّي مرجعي
ولو نفترق بتعيش فينا الذكريات
ما بيقدر النسيان يا دنيا اسمعي
يمحي الصداقة الصادقة حتى الممات
مازال هالإخلاص رافع مرفعي
ولمّا الصداقة تصير خارطة الوجود
مهما حصل ياهالدني لا تفزعي .
د. عيسى فضة
ليست هناك تعليقات:
إرسال تعليق