( دعسة ناقصة ) محكي
بدروة قمر كنتي الأماني بتغزلي
وعم تسبحي بنهر الخيال وغايصا
جاكي العشق يرقص ع بابك حنجلي
الفستان قصّرتيه صار مناصصا
لبستي القميص الكان لونو مخملي
عملتي على زرار العراوي محاصصا
وصرتي متل شهد العسل تتعسّلي
بين العسل والشهد كنتي حايصا
رحتي ع كرم الحب صرتي تعملي
مرة مزاد ومرتين مناقصا
ولمّا استوى العناب عنقودك حلي
صرتي متل نحلة ربيع ولايصا
عم تطلعي مرّة وعشرة بتنزلي
فاق وصحي الناطور كنتي خالصا
عم تقطعي نهر العشق صوب الصباح
دعستي ع أول ضو دعسة ناقصا .
د. عيسى فضة
ليست هناك تعليقات:
إرسال تعليق