هلال البنا
هيموت
..................
الصغير و الكبير هيموت
والفقير والحقير
واللي مش لاقي الحصير
.............والغني صاحب الحرير
الغفير والمدير والأمير
..............السلطان والهلفوت
هيموت
إلا الملك مالك الملكوت
............. الحي الذي لا يموت
وكل الخلق هيموت
.................الكل على الإطلاق
هاتتلف الساق بالساق
الكبار والصغار ومرحلة الإحتضار
إلا في بعض الحلات وفي اختصار
............الحوادث في الطريق
والحريق والغريق
................واللي تحت الإنهيار
واللي مات في ضرب نار
...........في القتال أو في شجار
واللي ماتت في المخاض
...............أو في الميلاد
واللي ضحى بالجنين وقال أمين
............والبنات زي البنين
الأم أولى من البنات ومن الولاد
...............وفي الآخر هتموت
والكل هيموت إلا الله رب العباد
............... الواحد القهار
وبعد الإحتضار
الغسل والكفن للكل أكيد
...............إلا الشهيد
إللي مات في المعركه ده ليلته عيد
..............والحمل على الأعناق
للأموات جنازه وصلوات
............وحسب الظروف والأمور
بعد الوضع في القبور
.................بالليل والا بالنهار
والناس قليل والا كتار
.................. مشيين ومستعجلين
والا واقفين في طابور
............واللي مات بقى في التراب
مقفوله عليه الأبواب
............... والأهل ويا. الأحباب
يدعوله بتخفيف لحساب
.................ويجوله ناكر ونكير
ل سؤاله والأمر خطير
................ لو جاوب هينام في حرير
إن لخبط يامجير يا مجير
.................والجسم المغسول تطهير
ينشف ويشدض ويصير
................. زي خشب المنشور مناشير
واليوم التالت يا مثير
................. يتحلل ويكون بواسير
فيه ينخر في العضم الدود
............... وفي لحمه ياكل و يجود
لو ظالم في الشر و جحود
...............أو في البخل شديد ولدود
لو كافر مجرم بيكابر
.................أو مسلم حاسد و حقود
إلا قليل من أهل الجود
......................أنبيا وأوليا وشهود
والصالحين والصديقين
.................بعد الموت ربك بيزود
يمنع. دود. عنهم ويجود
...............والباقيين راح يبقوا تراب
ولا فيش بعد البعث غياب
..............كله هايحضر يوم المنشر
شايل المحضر واخد كتاب
................إللي كتابه راح في يمينه
فرحان بيقول شوفوا لحساب
...............واللي كتابه راح لشماله
ندمان من زمن الأصحاب
.................. وضلالهم ولا حد نداله
ولا. حسنه. ولا فيش أحباب
بعد الموت
السلطان والهلفوت
عند الخالق مين هيفوت
.......مين هيكون عنده أمير
ومين هيكون بالجنه جدير
بعد الموت
مين هيكونوا في الأصفاد
...........رايحين نار الخلد معاد
فيها ذقوم وعذاب بالكوم
.........وذل شديد والكل بيلوم
جنازير وحديد ومفيش نوم
................ بعد الموت
كل كلامي هنا مظبوط
..............للبصير وللضرير
كل مخلوق لازم هيموت
........... بالتأكيد من غير تفكير
حتى ملك الموت هيموت
............... والموقف راح يبقى خطير
بعد موتنا
وها نطلع م الدنيا بقطنه
...........في الكفن والإسم جثه
حطوا في الخشبه الأمانه
............واللي امبارح كان معانه
سمي بعد الإستعاذه
.............صلي وادعي في الجنازه
وابكي بس ما فيش رجوع
............ مهما نهنهت بدموع
في المقابر شوف وفكر
.......... مش تكابر في المقدر
بكره جوه القبر نازل
......... والحبايب فيك تناول
بالحجاره الكل يقفل
............ هيل تراب ياعم عجل
واللي مات الآن بيوسأل
........... من ملايكه طوال شداد
والحريم لابسه السواد
............. بالعياط عاملين حداد
فرشه والأنوار وشادر
...............واللي بيدخن سجاير
والمشايخ و الحناجر
...............والطابور مالهش آخر
والبنات غير الولاد
في الميراث عاملين مزاد
......ونسيوا مين هو اللي مات
بس فاكرين الميعاد
..........للتقسيم قعدين سعات
واللي مات نسيوه خلاص
........إنه كان صاحب الميراث
يخرجوا. عنه الزكاه
............. والفقير له حق الله
هو مالك الملكوت
............ وهو الباقي بعد الموت
وكل العالم راح يموت
الصغير والكبير والغفير والمدير
والسلطان والأمير
والغني صاحب الحرير
والحقير واللي مش لاقي الحصير
والمشهور والهلفوت
كل المخلوقات
هتموت
.................
هلال البنا
هيموت
ليست هناك تعليقات:
إرسال تعليق