بسعد صباحكم بالخير مع هذا الخير من السماء
......شوية عتابا ..وزجل......
حنانك قطع اوتاري (وعودي)
تعالي وارجعي ليي (وعودي)
وأني هيمان و بنفذ ( وعودي)
راح حطك بالقلب هالقلب ذاب
.......................
جمال القد ياروحي (ورد... فيه)
خصيرك ناحل وشامخ( وردفيه)
إجا مكتوب من عندك( ورد. فيه)
حضورك لازم و ونكتب كتاب
.......................
سلامة عمرك الغالي ( وعمري)
جبيلي الكاس من خمرك (وعمري)
بيوت الشوق بقلبي ( وعمري)
حيطانوا من شهد فاهك رضاب
......................
حنين الناي من نايك (وصل. لي)
على حبك أنا بركع ( وصلي)
بعثتي الوتس بدفيقه (وصل لي)
عزمتيني على سهرة عتاب
......................................
.................زجل..................
كنتي إنتي المجنوني وقلبي المجنون
قلت بحطك بعيوني ذبلوا لعيون
وأني بحبك ياحلوي صاير مفتون
عم بستنى بسماتك تجي عالدار
....................
ولفي طول سهراتو والبدر يدور
عبيسهر عانغماتو من خلف السور
صاير يبخل هالغالي وعليي يجور
بقلو سهران قبالك بقلي سهار
..................
ياللي خدودك حلياني وغارت لورود
وكنك إنتي غوياني أني المحسود
عطيتيني بوساتك من غير حدود
بعطيكي فوق البوسي باقة أزهار
.....................................
د.فهد كرباج أم الزيتون السويداء..سوريا
في....17...2.. 2021
ولكم كل الود والإحترام
ليست هناك تعليقات:
إرسال تعليق