أسرار الدنيا
بقلمي هلال البنا
،،،،،،،،،،،،,,,,,,،،،،،،،،،،،،،
الدنيا أسرار كتير
فيها شر وفيها خير
و حبيبك يبقى جنبك
فجئه منك راح يطير
دنيا و الأشكال تغشك
والغني صاحب الحرير
له كلام يسد نفسك
والغلبان مسكين فقير
بتراضيه لو كلمه منك
والصحيح غير الضرير
خد ب إيده يخف ذنبك
والكفيف غير البصير
دعوه منه تشفي قلبك
قول آمين ربك قدير
واللئيم تديله سرك
قلب أعمى بس مكير
واللي نيه صافيه زيك
قلب طيب كله خير
زي قلبك يبقى جنبك
وفجئه منك رح يطير
والألم قال للسرير
ياسرير خليك كتوم
وعالمريض بلاش تلوم
شفت إيه بين الهدوم
ياسرير وعلى العموم
ممكن اللي يبقى جنبي
وفجئه ياسرير يطير
وإللى حاسس يا سرير
ب الألم هو الضرير
ياسرير والسر فين
والوجع بيحسه مين
قولي رأيك ياسرير
فجئه قلبك جنب منك
ياسرير إزاي يطير
قلب حاسس بالألام
إزاى ينام
ياسرير أمرك خطير
و الملايكه نور وخير
والعزيز غير الحقير
قلب كان زي الأمير
والخدم حوليه كتير
فجئه مني إزاي يطير
يا سرير ريحتك دوى
و نفسى أشم الهوى
بالمرض جسمى إنكوى
والدوى كتبه الطبيب
ليه دوى القلوب عجيب
ياطبيب و مين يجيب
وإللى عالم بالقلوب
قلبى فيه لازم يدوب
فجئه حبي إزاي يطير
وم المعاصي راح يتوب
وإللي عالم يا سرير
هو بس ربى القدير
ورغم فيه أسرار كتير
كل لحظه وكل يوم
ياسرير خليك كتوم
سر إيه تحت الهدوم
والهدوم كاتمه الهموم
لما قلبي يبقى جنبي
وفجئه مش ألاقي حبي
كل يوم يحط طير
وطيري مني ليه يطير
ياسرير خليك أمير
والألم ده سر فى بير
في الحياه أسرار كتير
دنيا فيها شر وخير
فيها غلبان وفقير
والغني وصاحب الحرير
حبي يبقى جوا قلبي
وفجئه مني إزاي يطير
دنيا والأسرار كتير
فيها شر وفيها خير
والأشكال ماتجيش في بال
ناس في وشك بس تغشك
واللي جنبك زي ضلك
واللي لابسك زي جنك
واللي واخد باله منك
كان رفيقك طول حياتك
أصل سنه زي سنك
يتمنالك كل خير
وعنده لك أسرار كتير
هي دي دنيا البشر
كل لحظه في خبر
فيها شر وفيها خير
،،،,,,،،،,,,،،،,,,،،،
بقلمي
هلال البنا في
أسرار الدنيا
ليست هناك تعليقات:
إرسال تعليق