تاتا تاتا
......
د/عبدالمنعم الفقي
......
تاتا تاتا خطوة خطوة
ياجمالك يانونو ياست الحلوين
ليكي ضحكة جميلة
تهز الشفة وتغمز في الخدين
......
باأحلم بيكي تكبري
وتملي الشوف
تجري عليا وتقولي
جدو وتيتا وبابا وماما
من غير خوف
ترسمي حرف الكلمة
جوه كتاب
تزرعي غصن زيتون
وعود لبلاب
ماانتي الأمل الجاي للأحباب
وأكيد بيكي واصلين
تاتا تاتا خطوة خطوة
ياجمالك يانونو ياست الحلوين
........
حفيدتي حبيبتي
بتخليني وانا رايح في النوم
تفضل تشد في شعري
تقولي ياجدو قوم
وانا قلبي من الفرحة يطير
لما تقولي صباح الخير
وتخليني جاي من بره
تيجي عليا بسرعة وتجري
وبضحكة تشيل عني همومي
وتاملي تعدلي هدومي
رشوا الناس الملح
من العين تاتا تاتا
خطوة خطوة ياجمالك
يانونو ياست الحلوين
................. د/عبدالمنعم الفقي.........
ليست هناك تعليقات:
إرسال تعليق