كن على بال ..
نَقِّي ؤُ زيد نَقِّي
ؤُ ما تشرب
حتى تْصَفّي ...
الْمَا لَمْخَوَّضْ
يضر ؤُ ما يشفي
ؤُ ما يْعُوم فيه
إلا فَكْرون لَفْيافي...(السلحفاة البرية)
الهارب من
صَهْدْ(حر) لَعْوافي
صفي يا خويا صفي
تْبانْ(تظهر) العلقة
ؤُ يزول لُوسَخْ لمخفي
شْحَال مَنْ واحد
ناسي حالُو
ؤ زايد يْهَجَّر ؤ ينفي
يَحْقَر ؤ يظلم
ؤ يشعل ويطفي ..
رَدْ(خذ) بالك
شحال من امثالك
فاش ضربتو الفيقة
لقا راسو كِالطاجين المكفي...
حميد النكادي فرنسا
ليست هناك تعليقات:
إرسال تعليق