أمُّ الشهيد..
كل عام وإنتِ بخير يا أمي
كنت تقلّي .... بعيد الأم
انشالله بشوفك عريس يا أمي
كنت قلك .. وريحتك شم
دبل ورد عمري بعدك يا أمي
بكيت عيني .... نزفت دم
كانت بسمتك عيدي يا أمي
تفرّح روحي .. تشيل الهم
ودعتني وقلت راجع يا أمي
احضن طيفك وعطرك لّم
رجعت بنعش عالأكتاف يا أمي
شهيد فدا تراب الوطن الأم
يا أمي رح شعّل كل يوم شمعه
احضن صورتك وخبّي الدمعه
لملم وجعي واصرخ للمدى
الوطن رح ينتصر ياااا أمي
يمكن انسى الألم وانسى اللوعه
وقتها رح يصير عندي العيد
وقتها رح حط وردة ع الصورة
وعايد روحك الطاهرة يا أمي
يابنيي يا ملاكي ياجرحي الباقي
بتذكّر وشم حفرتو عزندك
بعرف كان أغلى شي عندك
أمي ... لن ... أنساكِ
كل رفقاتك عايدوني يا أمي
بشكرك يا ضو عيوني
كبرت قيمتي بفضلك يا أمي
كان إلي يوم واحد عيد
صرت كل يوم أم الشهيد
الوطن رح ينتصر يا أمي
ويرجع يعمر من جديد
الله معك يا شهيد
الله معك يا شهيد
الله معك يا شهيد
.. محمد عزو حرفوش..
ليست هناك تعليقات:
إرسال تعليق