/ سوا ربينا والنجوم /
ع دراج أحلى جامعه طالع أمير
بماء الدهب عم يكتبلها كتابها
غسان بن منصور شاعرها القدير
بجواهر الإبداع عبّى جيابها
متل العروس اللابسة تاج الحرير
والكعب أخضر والقمر عرّابها
فستانها مشغول من روح العبير
زرار العراوي من كرز عنّابها
بتلبس وشاح االأبيض الغالي النضير
وبتنام عا تخت الفرح أهدابها
وعند الصبح بتفيق مع أغلى مدير
وبصمة عشق غسانها ع تيابها
بصابيع شعرو كل ما هز السرير
بتصحى الشمس تتبوس خد بوابها
وفيها عهد عساف للفكر المنير
متل الشمس نور الأدب ما غابها
وإنصاف يا نجمة سوا مالا نظير
فيها اهتدوا شعّارها وكتّابها
بروّادها وأعضاءها صح المسير
و فوق النجوم بيرفعوا أعتابها
صارت مع الإبداع مملكة الجمال
ومع كل يوم بيكتروا أحبابها .
- عيسى فضة -
ليست هناك تعليقات:
إرسال تعليق