كريسماس
الحاج هلال
:::::::::::::::::::::
السنه بدايتها. راس
واللي فاتت ليها ديل
ديل طويل بس راح مجاش
واللي راح مالوش بديل
في البدايه و النهايه
لو حبيبي يكون معايه
تبقى فرحه حلوه طارحه
في انتظارها بكره جايه
والكلام مالوش أساس
كله عالفاضي وخلاص
في العواصم والبلاد
مع كورونا عيد ميلاد
جاي وراكب ميكروباص
والكريسماس ناس جداد
ناس بترقص وياناس
لبسه كاط من غير مداس
واللي لابس ليه ماجاش
والليلادي فيه زبادي
ناس بتشرب عرق سوس
وناس بتسهر شاربه كاس
ولا فيش ممنوع وبوس
راس سنه فيها انتعاش
موز ومنجه وآناناس
وقعده دافيه وانكماش
في الإنعاش ويموتوا ناس
والجمال مالوش مقاس
فيرس والممنوع تماس
بالهدوء بلاش حماس
لو قشطه ويا القلاش
والصور من غير فلاش
فيها ناس لابسين بلاش
وناس بتمسح المداس
وناس بتكنس في الجراش
وناس ماتعرفش التعاسه
جايه ترقص بانتعاشه
أكلهم. مليان خباثه
والنور مقطوع ومجاش
نور ظهورك. ذوق حضورك
لولي مع ألماظ وماس
مزه حلوه و الكريسماس
حفله فيها الكل يرقص
شرب ميه وفيها تغطس
عام وفات خلينا نخلص
واللي جاي مش حد يطفش
بس أوعى مره تعطس
أو تكح أحسن هاتفطس
والكرونا جايه تكنس
والكريسماس للي عاش
عمره كله بالمقاس
واللي عمره وكل أمره
في الحياه بطوق نجاه
والمعاش عاوز التماس
لما تقوله جاي كريسمس
يبقى رده فيك يامشمش
ولما تقوله هي ليله
ليله. بس تنسهاش
وقول ياعم مالي حيله
دانا شايل حمل عيله
والحظوظ ياعم قليله
والكريسماس ده مالناش
ناس بترقص ناس بتفطس
وناس بتشحت عالمعاش
أوعى كحه أوعى تعطس
والكمامه لما تكنس
إيه جديد وياك يا فيرس
عالبلاد وعالعباد
إحتفال هيفوت ونخلص
والسنه لها ديل وراس
في البدايه. و. النهايه
كلمه من غير التباس
حفلتي والفرحه جايه
واحنا مالناش الكريسماس
ياحبيبي تكون معايه
هي دي. الفرحه. ياناس
::::::::::::::::::::::::::::::::::
كريسماس
الحاج هلال
ليست هناك تعليقات:
إرسال تعليق