المنافق
الواد عامل فيها أخويا وحبيبي وصاحبي
والصاحب اللي بحق صعب اننا نلقاه
يضحك في وشي وهو بالغل متعبي
ولو قلت كلمه يهلل يقول الله
عمري م أخاف من عدوى عشان عارف أنه بيكرهني
ولكن بخاف م اللي المكر متخبي جواه
محدش يعرف اللي في قلبه إلا أنت يا ربي
وبقيت اكره حتى نفسي يوم م اشوفه والقاه
يتوب إزاي وهو ع اللي جواه عايش ومتربي
العيب مش عليه العيب ع اللي رباه
كفايه حسد وغل وبطل فالغياب سبي
واعمل الخير هتيجي يوم تلقاه
ربي يهديك وكفايه كُره فيا
وتكون أصيل والاقيك في يوم صاحبي
يومها أخدك صاحب واقولك كل اللي في قلبي
ياريت كلامي تصدقه ودي دعوتي ليك اتمنى يستجيب ربي
حُب الناس ليا مش عيب والذنب مش ذنبي
ده حب الناس ياخلق رزق ما يوهبه غير ربي
** هشام فرغلي **
ليست هناك تعليقات:
إرسال تعليق