الشاعر حج هلال
.......................
يا أصيلة ياست البيت
........ سلامات وازي الحال
بالحضن ياحلوة انا جيت
..........جوايه ألف سؤال
وهوايه الرد ياريت
على طول ويكون في الحال
ليه قافلة ابواب البيت
.........وعليها حاطة اقفال
حواليها كام نبوت
........... ممنوع الحق يتقال
حتى في الإنتر نيت
........ تصنيت مع لعب عيال
و الجد سكوت سكوت
......... والكدب يكون موال
بلكونة والشبابيك
..........من غير منشر وحبال
وغسيلنا في البدروم
...........محطوط اكوام اكوام
طب ننشر فين لهدوم
......... والمنشر مش شغال
ماتردي ياست البيت
........ وتجاوبي أي سؤال
أصلك مش باين ليه
.........ولا حتى ظل وخيال
أصلك دورنا. عليه
........لاقيناه في الوزن جبال
بس ليه القوت فتافيت
......... والعيش أصبح تنقيط
ومعاش لو عاش أو مات
...........ما يزيد ويميل الحال
يا أصيلة الرحمة ياريت
...........تنزل علشان لعيال
وعشانك ياما بكيت
............ واهي تعبت الأحوال
في هواكي المر مريت
.......على صعب وسوء الحال
وعليكي ياما ناديت
.......... وسألتك ألف سؤال
بصراحة ومش خبيت
........ بكلام مش كان عالبال
ليه مقفولة الشبابيك
.........وبيبانكي عليها اقفال
ولا حد ينادي عليك
........ ولا تسمع صوت يتقال
هاتجاوبي ياست البيت
......... علشان يرتاح البال
يتطمن قلبي عليك
.........دلوقتي قوام في الحال
يا أصيلة ماعنديش حيلة
........ هادعيلك لو صليت
واحلفلك لاذكر إسمك
........ دانا ياما عليكي بكيت
وفاكرلك كل جمايلك
...........على أصلك ياما حكيت
في البيت وبرة البيت
............يا أصيلة يا ست البيت
....................
الأصيلة
بقلمي الشاعر حج هلال
ليست هناك تعليقات:
إرسال تعليق