سوا ربينا مضافه مشرّعا أبوابها
لأهل الفكر من بابها لمحرابها
إسما انكتب بنجوم عا صفحة سما
صارت منارة نور كتروا حبابها
بحضن الورد بتنام ع شفاف اللمى
متل العروس من العبير تيابها
عنوانها بعين الشمس علّا وسمى
وقاموس للإبداع صار كتابها
وإلّا لها حرف البلاغة ما انتمى
بعرس الشعر غسانها عرّابها
فوتوا يا أهل الشعر من كل الحما
رشوا شذى الأشعار فوق عتابها
ع دراجها حتى الأصاله نوشّما
نعبّي المحبة والفرح بجيابها
وأجمل خريطه للأدب تا نرسما
بماء الدهب بشبابها وشيّابها
وحتى القصيدة نعلّما ونتعلّما
ونبقى سوا بهالجامعة طلّابها
ويبقى أمير القوم مرجع للوئام
ونزرع معو قمح الوفا بترابها .
- عيسى فضة -
ليست هناك تعليقات:
إرسال تعليق