بقلمي حج هلال
.............................
هاتفرج ياصاحبي والله هاتفرج
وعند الكريم ليها ألف مخرج
هاتفرج وتخزي. جميع الطغاة
صهاينة وأمركا. وكل العصاة
هاتفرج. علينا ونرفع إيدينا
لرب البراية. ونشكر رضاه
باقولك ح تفرج وربك مجيب
ده فرجه قريب وجاى مش بعيد
ف وسط الحديد ووسط اللهيب
هاتفرج هاتفرج ها تفرج أكيد
تشوف السواد وظلم العباد
وجهل العبيد ومكر وعناد
تكشر وتغضب وتطرح وتضرب
بلاش يابنى تحسب لأنك ح تتعب
وسيبها لربك ها تفرج أكيد
هاتفرج وتسلك برغم الصعيب
ورغم الإسائه لسيدنا الحبيب
فرنسا وغيرها وكافر عنيد
بيرسم ويشتم ومجرم كئيب
ورغم التقدم فى دنيا العبيد
بيعمل إساءة يذوب الحديد
بجهله ما يعرف مقام الحبيب
حبيب الإله وربه إجتباه
ختام الكرام ورمز السلآم
إمام الدعاة شفيع الأنام
هاتفرج حبيبي هاتفرج أكيد
هاتفرج هاتفرج و عند الكريم
لها ألف مخرج عجيب وقريب
هاتفرج ونفرح وربك حليم
وقادر بأمره. يجيب. البعيد
هاتفرج خلاص هاتفرج ياناس
دا ربك عظيم وفرجه الأساس
وله إيد أكيد. يلين. العنيد
ويعلن ويصرخ ويحلف خلاص
هاتفرج وتعرف غرايب عجايب
وناس كات بتعمل علينا الحبايب
لكن ربهم كشف. مكرهم
وحق الغلابة هايعمل مصايب
هاتفرج وناخد حقوق الضعيف
ياطيب وغافل فاكرني الكفيف
بتمكر وتسرح عاملي. مفتح
هاتبقى. المكسح. قدام الفضيح
هاتدخل مهالك ماكانت ببالك
هاتسأل. وتفهم إجابت سؤالك
وتحلف ياريت ساعتها وبكيت
عشان اللي جالك مصيبة وجرالك
هاتفرج صديقي والله هاتفرج
بفضل الإلاه. هاتنحل ونخرج
......................
ياااا هادي يااااااارب
بقلمي حج هلال
ليست هناك تعليقات:
إرسال تعليق