( صوت الحقيقة ) محكي
لمّا العشق دقدق ع باب الروح
رد القلب ما في حدى راحو
يا للأسف ما ضل غير جروح
صار الوقت عم تنزف جراحو
لا ارتاح يللي راح عم بينوح
ويللي بقوا بهالليل ما ارتاحو
باب الفرج مخلوع عم بيجوح
وضو الأمل مكسور مصباحو
وقبل العشق مايودع المجروح
والعندليب يلملم . . . جناحو
قلّو القلب لا تدق مش مسموح
ديك الأماني تخرسن صياحو
هالباب عشر سنين مش مفتوح
مدري اهترى مفتاح باب الروح
مدري وقع بالحرب مفتاحو . عيسى فضة
ليست هناك تعليقات:
إرسال تعليق