ياقلب حاجتك نبض
عم تلحق هواهن
وبتركض من سنين....
خلص الحكي وتغيرت الدني
وماضل في غير هالحرفين
عم يكبروا تخمين...
بين قلوب مليانة حب وفي ناس
محرومين...
هونيك جنب الجرن
عل العين
عم يولد حب من بكير
شب وصبية بنار الحب
مكويين...
وعليهم عم يشهدوا الوردات
مجتمعين...
وعم يتمايلوا بين العشب
والطين
بيعرفوا صار وشو قلها وشو قلتلو
وهن لليوم متفقين
ليباركو عطر المحبة ...والهوى...
وهن متحدين..
وراح الزمان وعيد عليهن عيد
وماعاد شافوا حدا..
تخمين زعلت حلوة
الحلوين....وتزنرت بالحزن
الله يعين...
عم يكبرو جناحا تحت السياج
وصار بدا تطير
ولمين بدا تشتكي
لمين....
وبتغار شو بتغار أنت ياورد
يا لابس الأصفر والعطر
يانسرين..
تخمين بيناتهن في قلب انتلا
وابتلا بالحب
شو مسكين
وماعاد فيك تحمل هم
يا تشرين...
يوم تفرفطوا لوراق
عصرية
ونزلت عليهم الدمعات
والميه
وما في حدا يلمهن شوشر العمر
وراح
العنب والتين
مسي عليهن ياقمر...بلكي
بيرجعوا...وبيسهروا شوي
قبل ما يجي ها البرد
ويطل عالشتي
بكوانين...
بقلمي:مفيدأبوفياض.
ليست هناك تعليقات:
إرسال تعليق