الشاعر حج هلال
؛؛؛؛؛؛؛؛؛؛؛؛؛؛ !!!!!!!!!!!!!!!!!
بحب اصحى ف عز الليل
سواء الجو حر و برد
واطل طله على الحلوين
واحب اشم ريحة الورد
وقلبى يميل شمال ويمين
ويتمرجح ف طول و عرض
جمال الورد فى البساتين
سبب عشقى تراب الأرض
وأنا عندى تقاوى حروف
بتطرح ورد ضد الخوف
وناوى احصد منيش مكسوف
وليه الخوف سلامة الشوف
ووردى يا ناس دهب أو ماس
ساقيه من روحى بالإحساس
وهو العمر بس سنين
ثواني الحب مابتنقاس
ياورد إنت ف قلوب عشقين
بيستنوا يشفوك بالعين
وبيشموا جايين رايحين
أو يحسوا بحب وحنين
بحب اصحى وليه النوم
واشوف الورد طول اليوم
ونور منثور جميل وزهور
وليه م الورد أنا. محروم
في حب الورد أنا مجنون
وازور الورد مهما يكون
حبيب روحي وانا صاحي
ومن غيره بنام مجروح
باحب أصحى في عز الليل
سواء الجو حر وبرد
واطل طله على الحلوين
واحب اشم ريحة الورد
؛؛؛؛؛؛؛؛؛؛؛؛؛؛؛؛؛؛؛. ؛؛؛؛؛؛؛؛؛؛؛؛؛؛؛؛
بحب
الشاعر حج هلال
مع تحياتى هلال محمد ابوكبيرشرقيه
ليست هناك تعليقات:
إرسال تعليق